رضا قريرة منقذ البلاد والعباد والضيف القادم يظهر لي عبد العزيز بن ضياء

إستمعت منذ قليل إلى الخطاب الحصري إللي قدموا سي رضا قريرة على إذاعة موزاييك بخصوص الأحداث أللي عاشتها تونس خلال الأسبوع إلي سبق 14 جانفي وخاصة يوم 14 جانفي أنا شخصيا ركزت معاه وحبيت نفهم شنوة إللي صار بالحق لكن في النهاية كان حوار فارغ خرج فيه سي قريرة منقذ البلاد ولعباد وخرج هو إلى شد السرياطي ورشيد عمار ما عمل حتى شيء وهو إللي قالوا للغنوشي ما تمشيش للقصر الحاصل مسرحية بطولية خرج منها سي قريرة اكثر الفاعلين على الساحة وفي الأخر ولا هو إللي حما البلاد والعباد وزاد ظني يقينا عند الحديث عن وزارة أملاك الدولة حيث أشار إلى أن 95 بالمائة من أملاك الدولة هي أراضي فلاحية وبالتالي ورط وزير الفلاحة في حين أن البقية تخضع لإجراءات صارمة وبالتالي موش هو إللي يفرق وختمها بشكر إطارات الوزارة الحاصيلوا أنا شخصيا ظهرتلي بالرجولية مناورة إعلامية أكثر منوا حاجة أخرى وفي النهاية ما جاب شيء جديد إللي تسرب في االجرائد من التحقيق مع السرياطي مع ما قاله الوزير الأول مازاد عليه شيء السؤال الأهم من إتصل بالوزير الأول ورئيسي مجلسي النواب والمستشارين وما هو الدور الحقيقي لرشيد عمار في العملية أما أقوى لقطة وقت إللي يحكي على نهار الجمعة ويسألوا فيه على التلفون االثاني متاع بن على قداش كان الوقت قال إللي هو ما يعرفش على خاطر الوقت ماعاد يعني شيء وهو ما عادش يخرج من بيروه وحتى االنوم ما عادش يرقد أنا نحب نقول إللي توا عندوا الوقت باش يرقد بزايد. على الدزة هاذي المرة الجاية الحوار الحصري باش يكون مع بن ضياء وتوا يوللي هو إللى تنحي وحدوا موش المخلوع هو إللي نحاه وهوا إللي حذر الجماعة الكل وحتى حد ما سمعوا وزيد نصح الرئيس باش يطلق ليلي ويتبع عائلتها ولكن كان التيار أقوى منو ...