أسامة الملولي: زايد معاك الكبير كبير

يا توانسة بصراحة رانا مقصرين مع البطل الأولمبي أسامة الملولي. الراجل تبارك الله عليه هازز 5 ميداليات 3 ذهبية وزوز برونزية في بطولة العالم نتبعوا فيه على شاشة الجزيرة وقناتنا الوطنية يمكن ما في بالهاش جملة وأكثر من ذلك يعديوه في النشرة الرئيسية للأنباء وحاطين تصاور متاع بيكين من غير حتى أدني إحترام لا للإنجاز متاع البطل متاعنا ولا للمشاهدين إللي يحبوا يشوفوا البطل التونسي على القناة الوطنية يظهرلي عندنا منوا 100 الملولي نحنا في تونس باش ما نعدوهش. زايد الراجل ماناش حسين بقدرو وما ناش معيرينوا كيف ما يلزم راهو الملولي في كفة والرياضة اتونسية الكل في كفة أخري يبارك فيكم..

البارح في قناة حنبعل وفي مقابلة اللوزة وحاجب العيون المقدم متاع البرنامج قالك ‘للي جمعية اللوزة ما عندهاش مورد رزق بالله قولولوا يجيبلنا نسخة من مضمون الولادة متاعها ونسخة من بطاقة التعريف وكان عندها إخواتها مرحبا بيهم قالك جمعية ما عندهاش مورد رزق.