المال والبنون زينة الحياة الدنيا

عندي صاحبي ياحضار وهو بالفعل كأنو شرارة من نار وإسمو بالمناسبة وليد وإن شاء الله نعمل عليه بوست المرة الجاية وليد بصراحة راجل والرجال قلائل ومعرفتنا عندها تقريبا ما يربو بالرجولية تعجبني ياسر يربو هذه على 6 سنوات بصراحة ماريت منو كان إللي يسرو رب أخ لم تلده أمك وإن شاء الله ربي يدوم العشرة . سي وليد رزقه الله بطفلة بهية الطلعة إختارا لها من الأسماء فرح

بصراحة ما نجمش نعدي المناسبة السعيدة من غير ما نقولك ياوليد ياخويا مبروك على خلاص وحل المدام ومبروك الطفلة وإن شاء الله تتربي في عزكم . بصراحة حتي إسم فرح واتاها وهي كيف ما تعرف في بلد الفرح الدائم ونجم نقولك إللي ولادة فرح هي في الحقيقة فرحة شباب تونس الكل وبالتالي يا خويا من اليوم باش تولي أبو فرح هذاك علاش من هنا فصاعدا عيطلي أبو زينب ثماش ما ندبروا دور في باب الحارة 4

اخويا نجدد تهانيا وحمدا لله على سلامة أم فرح

ملاحظة بنتك من مواليد برج الميزان (6 أكتوبر) وهو كيف ما تعرف ذكرى العبور وجدار برليف وكل ما تعنيه الذكرى أما خوك راهو زينب من مواليد برج العقرب وتاريخ ولادتها راهو تاريخ مرجعي عايش خويا