أمس وفي حدود الساعة الثامنة والنصف ليلا على ذبذبات إذاعة موزاييك والتي رغم بعض التحفظات عندها بعض البرامج المقبولة ومن بينها برنامج ذكريات وإن شاء الله تكون الترجمة صحيحة. البرنامج هذا يجيب مستمعين ويعطيهم أسئلة تتعلق بالبرامج الدراسية متاع السنة التاسعة أساسي مثلا ويشوف شنية الإجابة متاعهم وإلا يقوللهم كيفاش نكتبوا الكلمة هاذي . مخ الهدرة البارح وأنا في السيارة جابوا مستمعة من بنزرت قدمت روحها على أساس أنها مجازة في اللغة والأداب العربية. سألها المنشط سؤال وقاللها حول الجملة الفعلية التالية إلى جملة إسمية وإليكم الجملة :
جلس الأولاد أمام الحانوت
وهنا كانت الطامة الكبرى لم تتمكن الأستاذة من الإجابة ولم تقدم حتى مجرد محاولة وما نكذبش عليكم يا جماعة صدمت وأصبت بخيبة أمل كبرى والأدهى والأمر وأنها تضحك وما علابالهاش جملة. بالله بيناتنا معقول الشيء هاذا. وزادت دخلتها في حيط وقت إللى زادها سؤال ثان للتدارك زعمة زعمة وإليكم السؤال:
صرف فعل أينع في الأمر
وهنا قطعت المجازة في اللغة والأداب العربية المكالمة تجنبا لمزيد الفضائح وحسنا فعلت. القسم على ربي والله يصبر صغارنا شنوة يستنا فيهم. ملاحظة هامة نعرف إللى الأساتذة والمعلمين متاعنا فى نسبة هامة منهم ذوو كفاءة عالية أما موش معقول وموش مقبول أنو أستاذ ما يعرفش يحول جملة فعلة إلى جملة إسمية. شنوة قراوها في الثانوي وفي الجامعة وكيفاش وصلت.
الله لا تفضحنا يا ربي
3 commentaires:
بديتو تعذرو فيّ توّا كيف نتشكّى من المستوى ؟
و فاتك أنّ المشكلة تنطلق من الابتدائي موش في الثانوي و الجامعي بركة
هاك العام جاتني أستاذة متخرّجة جديدة باش تعمل تربّص عندي ، مشات درجين ربع ساعة في الدّرس و من بعد ولاّت تكلّم في التلامذة بالدّارجة و ساعات تزرف بكلمة بالفرنسيّة و هي تشرح في نصّ عربي
و لكن المشكل أكبر من هكّة بياسر و يتجاوز المخرجين الجدد و التلامذة بصفة عامّة
متأكد ، إلي تكلمت في موزييك تكذب و ما هياش موجازة ي العربية ، معنتها ما نحملوش الموقف أكثر من جهدو و نبنيو على حكاية غالطة
إن شاء الله تكون تكذب أما شنوة إللي يخليك متأكد رغم إللى هي قالت مجازة في العربية قبل ما يسألها. وبيناتنا أنا ما عاد نستغرب حتة شيء.
Enregistrer un commentaire