يا سادة يا مادة الله يدلني ويدلكم للشهادة والعبادة.. يا هل إندرى التوتة المعروفة بالتوتة متاع أريانة تابعة ترابيا لولاية تونس أم لولاية أريانة . نعرف إللي المنطقة هذه تسمي بمنطقة المنزه4 ونعرف أنو المنازه تابعة لولاية أريانة فهل أن التوتة متاع أريانة هي في الأصل التوتة متاع تونس.. وهل أن طريق 7 نوفمبر المعروفة بالروت إيكس هي الفاصلة بين ولاية تونس وولاية أريانة . وفي نفس الإطار ياخي منطقة التضامن تابعة ولاية تونس وإلا أريانة. هي تساؤلات لتصحيح بعض المعلومات إللي تبدو بديهية أما تفتقر للدقة الكافية
صوم مقبول للجميع
3 commentaires:
يظهرلي هاذي أحسن طريقة باش اتحرر الوقت
:))) باهي على ما نعلم نورمالمون انتي تحكي على التوتة اللي ولات مونوبري هذيكة تابعة أريانة و حي التضامن زادة... بالنسبة للروت ايكس ما تفصلش بين تونس و أريانة بما أنّو حي ابن خلدون مثلا تابع لولاية تونس
موش المنازه الكل و المنارات الكل تابعة لولاية أريانة و المنزه 1 و 4 تابعين لولاية تونس كيف المنار 2 أما المنزه 5 و 6 و 8 و 9 الكلهم تابعين لولاية أريانة أما الروت ايكس هي في البعض منها الحد ما بين الولايتين و في البعض الآخر ليس الحد بما أنو المنار 2 اللي هو وراء الروت ايكس تابع لولاية تونس و كدلك حي ابن خلدون les UV4 مثلا تلبعين لولاية أريانة و المنازل اللي مقابلينهم تابعين لولاية تونس ...
باهي باش نجاوب بالسؤال بالسؤال
التوتة ماعادش توتة، ولاّت مونوبري وهي تابعة لولاية أريانة بما أنّ النهج إلّي يفصل الولايتين في البلاصة هاذيكة هو الهادي الكرّاي وين محطة الميترو عدد2
المنازه ماهيش الكلّ تابعة أريانة كيما قال أنونيم سبعطاش
الروت إيكس ماهيش هي الحد ما بين الولايتين
حي التضامن تابع لولاية منوبة
شاهية طيّبة
:))
Enregistrer un commentaire