السلام عليكم
وصلتني أصداء عن برنامج تلفزي يعرض في قناة تونس7 ضمن البرمجة االصيفية وعنوانه نجوم في القايلة وبصراحة هو من عنوانو ظاهر فما إجتهاد كبير أما هاك الإجتهاد متاع الهواة إللى عمرو ما ينجم يتطور وهو من تنشيط سي معز الزرعي وإللي حقو يسموه معز الضحاك. وكان من حسن حظي أني تفرجت على اخر حلقة وكانت مخصصة لأسماء بن عثمان بصراحة بيناتنا هل هي نجمة وما هو رصيدها. من المرسي بدينا نقدفوا زدت وسعت بالي وكملت نتفرج على ددو في الحجامة وهي تحكي على قطوستها وشنوة إسمها وقطوست أختها إللي جابتها مالأمريك ومعز يشكر وددو تقلو توا المسيو يغير أشكرني من بعد. بصراحة مستوى في الحضيض وبرنامج لا عندو لاساس لاراس نتبعوا النجم وهو يوري اش يحب. علاش ما عملوش حلقة على السيد عيسى حراث إللي وراه30 سنة عطاء وفي الأخر االراجل قريب يمد يدو. وفي خصوص سي معز الزرعي بصراحة مع كامل إحتراماتي خاطيه التنشيط والضحك بالطريقة هذيكة موش من باب إدخال المرح والبهجة بل هو من قبيل قلة التربية والأدب .
5 commentaires:
فعلا لفتت انتباهي لقطة احكيلي فيما بعد تو المسيو يغير
تمجيد لاختها في امريكيا الي عملت 15 ساعة باش تحضر
مستوى هزيل للمنوعة لو رايت بقية الحلقات مع اشباه الفنانين لتحسرت على اموالنا اين تذهب
لي فقط عتاب بسيط
لا اظن ان الممثل القدير الذي ذكرت اسمه سيسعده ذكرك بعض التفاصيل عن حياته الخاصة والتي ربما تسبب له بعض الاحرج
لو اكتفيت بالاشارة دون ذكر الاسم ربما يكون اصلح
بكل الود دمت
mazzel 7ay hedha???
ti lawkan moch rajelha sarhane rahi kawal sbata la t7ok wla Tsok w7atta rajelha echmin begrounou.
ye5i 9aria tamthil hia walla t3almettou fi rawdha
خويا عمروش مرحبا بيك وبمرورك عل البوست متاعي ملاحظتك قيمة وموش من أخلاقي أني نشهر بالأعباد أما راهو المسألة معروفة وحكات عليها الصحافة وعملوا معاه حديث وفي الصراحة راحة تكلموا عليه برشة مرات كمثال للمثل القدير إللي ما صور شيء من التمثيل وبالتالي أنا ما نتصورش روحي كشفتوا كيف عطيتوا مثال.
خويا مرمضن رانا لكلنا مرمضنين وسي عيسى حراث يشارك في مسلسل بين الثنايا في دور بو الوليد فتحي إللي يحب يحرق لإيطاليا.
بالنسبة للغير معرف مرحبا بيك وموافقك في كلامك أما اش تحب تعمل إللي عندو الزهر تحطبلوا لرياح
يا أهل البلوغسفار هل أن البوست متاعي يظهر على التن بلوغ كان مايظهرش كيفاش نعمل
شاهية طيبة للجميع
سيد جمور
شكرا للتوضيح وللرد
لست متابعا قار للاخبار الفنانين
تحياتي
Enregistrer un commentaire