بين الخطيئة والحطيئة

بحرفية كبيرة تتعامل التلفزة التونسية ممثلة في قناتها الوطنية مع مشاهديها فيوم الخميس بمجرد نهاية المقابلات تم المونتاج والميكساج والدوبلاج وزادو ضربة على الأومبرياج باش يعدولنا مادة رياضية دسمة خاصة وأنوالموسم شارف على النهاية. ولكن سي توفيق العبيدي الله لا ترزينا فيه خلانا في التسلل والجماعة الكل شادة التلفزة وتستنا في رحمة ربي يقدموا ويوخروا وهوما بيناتنا عمرهم ما قدموا أما للضروورة وبره يجيبولنا هاك الجهبذ أسامة فرحات وشلة من ألمع ما خرجت تونس كل في إختصاصه وعلى خاطر يلزمني نعمل عليهم طلة كل مرة باش نشوف ثمة الخميس الرياضي وإلا لا نسمع في حوار بين سي أسامة فرحات وسي أحمد بوغنيم إللي بالمناسبة نحب نعرف شنوة محلوا من الإعراب توا جماعة تهز فيه لديارها باش يضحكها أمورو أما باش تفرضوه علينا في التلفزة كشخصية فنية وثقافية راهو موش معقول راهو ثمة مقاييس ومعايير للإستضافات موش ماخذت بخاطر راهو الحكاية. على كل حال بدا سي بوغنيم يعطي في الشعر وهو في الحقيقة ياخو ويعطي أبيات من أمهات الأبيات كيف ما يقول هو . بيت المتنبي متاع عيد بأي حال عدت يا عيد موش حافظوا وزاد دخلها في حيط كيف يحكي على الحطيئة وهو نحط إيديا في النار ما حافظ كان ‘سموا ولا يعرف عليه شيء قالك السيف أصدق إنباء من الكتب في حده الحد بين الجد واللعب والبيت معروف لأبي تمام والجماعة الكل تضحك ولا على بالها . الحاصل خمسة وخميس علينا