العذاب المرير والجهد العسير في تجاوز مفترق برج الوزير

هذا عنوان مقال عندي برشا إكتبتوا في المدونة متاعي حول حركة المرور في مفترقي سكرة وبرج الوزير والجدوى الإقتصادية للطريق السريعة متاع بنزرت وكنت إقترحت إللي لازم وزير يسكن في برج الوزير باش تتحل مشكلة هذين المفترقين وخاصة وأنو الحل كان واضح تمام الوضوح. حبيت اليوم نحيي الإدارة الجهوية للتجهيز والإسكان إللي يظهرلي هي الجهة الإدارية المختصة في مثل هذه الأشغال في أريانة على فتح منفذ للطريق السريعة بين مفترقي برج الوزير وسكرة يمكن الخارجين من برج الوزير من النفاذ مباشرة للطريق السريعة دون التوقف في مفترق سكرة لفترة قد تتجاوز 15 دقيقة كما أن الحل الذي تم تنفيذه كان فنيا مقبولا لأنه أخذ جزءا من الطريق الموجود حاليا والرواق الايمن للطريق السريعة حتى يتجنب أكبر قدر ممكن من التعطيل بين الوافدين على الطريق من جهة برج الوزير والمتواجدين على الطريق السريعة. في المقابل لا بد من تدخل عاجل للتصدي للعمليات الإنتحارية الصباحية للدخول للطريق السريعة قبل الوصول إلى مفترق برج الوزير بالنسية لمتساكني حي الهادي نويرة. تصوروا أن الدخول للطريق الحزامية لتكون التسمية سليمة تتم سيرا للوراء ولكم ان تتخيلوا المشهد في الختام يمكن بأفكار بسيطة حل معضلات كبيرة والمشكلة موش ديما في الفلوس ما ثماش