رمضان كريم

أنستوا الجماعة الكل

حبيت نحكي اليوم على موضوع بصراحة أنا واحد من الناس يقلقني و هو موضوع الأذان. ماتفهمونيش بالغالط يهديكم أنا موش مقلقني صوت الأذان وما نيش نطالب باش يبطلوا الأذان أما بصراحة ثمة بعض المؤذنين صوتهم وللأسف ينفر من المسجد ومن الصلاة ونعرف برشة عباد بدلت الجوامع على سبب كيف هكة. نعرف إللي المؤذن ياخو في منحة وغالبا ما تسند هذه المهمة لرجل كبير في السن متقاعد لكن لابد من حد أدني من الصوت الحسن وهي من شروط الواجب توفرها في االمؤذن ونفس الملاحظة تهم الأيمة فالبعض منهم صراحة يسيء للقرءان حيث نجده كثير التهجى ولاينطق مخارج الحروف كما يجب وهو بالتالي بعيد كل البعد عن الترتيل. وبالتالي المسألة تولي تقلق في رمضان تصور الواحد يصلي 27 ركعة وراء إمام لا يجيد الترتيل. ربي يهدي