lili mou5ou mtaplanti 3al version célibataire 6.0.

كان ثمة حاجة باش ترشحنا لكأس العالم راهي الوراطة أما القاروص راهو حدو كأس إفريقيا.

جريدة الصباح اليوم:


"وانتظم حفل استقبال من طرف ادارة الوحدة السياحية على شرف المنتخب الوطني، وتم تخصيص جناح كامل على ذمة اللاعبين (غرفة لكل لاعب) ومجموعة من الاجنحة للمسؤولين المرافقين والاطار الطبي والفني.
علما بأن الطبق الرئيسي لعشاء الأحد كان «قاروص» والطبق الرئيسي لغذاء أمس الاثنين وراطة واغتنمت جميع عناصرنا الدولية كامل صباح أمس للراحة بغرفهم أو بالفضاءات الموجودة بالوحدة السياحية


كمل أعطانا فكرة شافية وضافية على بقية الوجبات كاملة بالدخلة والسلايط والغلال ويكمل بالرجولية يتحفنا ببعض الهوامش والمتفرقات من قبيل شكون ما يحبش الكبار في البريك وشكون يموت على برالعبيد. وبيناتنا كان ثمة حاجة باش ترشحنا لكأس العالم راهي الوراطة أما القاروص راهو حدو كأس إفريقيا. أما أنا ما فهمتش علاش ما ثماش غلال البحر العادة عمرو ما يغيب على طعام.

ومن جهة ثانية نحب نلاحظ تقصير الوحدة السياحية. شنوة معناها أحنا نسور قرطاج وتعطينا جناح واحد توا معقول هاذا ويحبونا نترشحوا .يلزمنا زوز جناحات كيف النسور الكل بمعدل غرفتين لكل لاعب من قبيل توفير سبل الراحة

ويدلل في ترابك يا تونس

واقع الإدارة بإمتياز

Un administrateur administre,
trois administrateurs cherchent le meilleur moyen d'administrer,
cinq administrateurs discutent sur des programmes opposés,
sept administrateurs bavardent.

[Paul Laffitte]
Extrait de Jeroboam ou la finance sans méningite.

تأهيل القطاع البنكي يمر عبر تحسين محيط البنك

نعرفوا الكل إللى شارع محمد الخامس يعتبر شارع البنوك بإمتياز وتوا كمل معاهم البريد التونسي أما بصراحة الطرقات الجانبية الموازية لمحمد الخامس بصراحة حالتها كارثية ونحب نشير خصوصا للفسقية إللى قبل الضوء بين البنك القومى الفلاحي والشركة التونسية للبنك بصراحة شيء ما يليقش. من ناحية ثانية مشكلة الوقوف والتوقف قدام البنوك هاذي ما تحكيش وبره لواحد يدخل البانكة على ربع ساعة يضرب ساعتين وأكثر
ملاحظة ثالثة ما فهمتش علاش الفروع البنكية تبدا العمل الثامنة والنصف يا خويا اعملوا شوية فارق مع القطاع العام حتى بنصف ساعة باش لعباد تقضى قضياتها خاصة وإن الإدارات المركزية للبنوك تنطلق على الساعة الثامنة صباحا وينها المرونة إللي تحكوا عليها أما بصراحة راهوا غلبت عليا هاك الحفرة متاع الضوء لحمر زعمة حتى حد من البلدية ما حل عينيه وتعدا من غادي كما ان وجود البنك الإفريقة للتنمية يزيد من الحشمة وإللا لازم ناخذو عليها قرض باش تتقد

ضحكة إن شاء الله تكن مضمونة لنهاية الأسبوع

الرئيس حسني مبارك بالطيارة قرر يرمي 100 جنيه
يفرح بها عائلة مصرية
قالت زوجته: خليهم خمسينتين وفرح عايلتين
قال ابنه: خليهم 25 وفرح أربع عوايل
قال كابتن الطيارة: يا عم أرم نفسك وفرح 70 مليون مصري.
---------------------------------------------------------------------------------------------------------
علاء مبارك شارك في من سيربح المليون ......
وصل لآخر سؤال، السؤال: من هو أكبر حرامي في مصر ؟
طلب مساعدة صديق واتصل بأخوه جمال وقاله السؤال
رد عليه أخوه: انسحب باللي كسبتوا وما تخسرش أبوك!!

---------------------------------------------------------------------------------------------------------

مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع أسئلة

1. ليه انت رئيس بقالك 25 سنه ؟

2. لسه معينتش نائب ؟

3. ليه ولادك ماسكين كل حاجه فى البلد ؟

4. ليه مصر حالتها الاقتصاديه زفت و انت مبتعملش حاجه؟

ساعتها بالضبط رن جرس الراحه وبعد الراحه رجع مبارك وقال احنا كنا فين بقى؟
مين عنده سؤال؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اسئله

1. ليه انت رئيس بقالك 25 سنه ؟

2. لسه معينتش نائب ؟

3. ليه ولادك ماسكين كل حاجه فى البلد ؟

4. ليه مصر حالتها الاقتصاديه زفت و انت مبتعملش حاجه ؟

5. ليه جرس الراحه رن ربع ساعه بدري ؟

6.. وبعدين فين رامى ؟؟؟؟؟؟ !!!!!

------------------------------------------------------------------------------------------------------

مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم
أبليس : طب هات ودنك وخد الفكره دي .....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك

---------------------------------------------------------------------------------------------------------

واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5 مليون $ دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل : " و في المتوسط الناس بتتبرع بكام"
الرجل الثاني : " من 5 الى 10 لتر بنزين .

---------------------------------------------------------------------------------------------------------

مرة سيادة الريس مد إيده في جيبه لقي 5 مليون جنيه !!
فزعل قوي وخاف وقال: إيه الفلوس دي الفلوس دي حرام؟
فسأل أحد مساعديه فدله على طريق الشيخ طنطاوي
رئيس الأزهر الفاضل وقال له: اسأل الشيخ وهو يقول لك الحل .
ما كدبش خبر وجري على طنطاوي وحكا له القصة فرد:
5 مليون بس .. إيه النزاهة دي؟
دي بسيطة خالص يا ريس ما تزعلش نفسك؟
كل اللي هتعمله حتروح تمشي بالأحياء الفقيره ، كل ما تمشي 1 كيلو تتبرع بألف جنيه عن كل مليون جنيه وخلاص .
الريس راح يمشي ، وهو بيمشي قام لقي عمنا صفوت الشريف بيمشي بنفس المكان فقال له : أنت بتعمل إيه هنا؟ أنت حتمشي كام؟

صفوت قاله 78 كيلو يا ريس بس.
الريس: يخرب بيتك؟ ده أنت خربت البلد !!
صفوت: أنت جاي علي أنا وتحاسبني؟ روح شوف علاء ابنك جايب موتوسيكل وبقاله 3 أيام بيمشي فيه

---------------------------------------------------------------------------------------------------------

كان حسني مبارك فى سرير المرض حينما أخذ يلقى بوصاياه الأخيرة لوزيره احمد نظيف :
- وصيتك الحكم من بعدى يا احمد ...
- فى رقبتى يا ريس .. كله تمام والسلطة هياخدها جمال ...
- ثم راح فى غيبوبة .. أفاق منها بعد قليل ...
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
- ثم راح فى غيبوبة .. أفاق منها بعد قليل ...
- احمد ...
- نعم يا ريس؟
- بس ماتنساش .. توكيل الزلط لعلاء

---------------------------------------------------------------------------------------------------------

كان حسني مبارك بيخطب في الشعب ... فكل شويه واحد يقوم ويقول ...
عاش حسني مبارك موحد الاديان ويقعد ...
يروح حسني مكمل كلامه وشويه ويقوم الراجل ... ويقول عاش حسني مبارك موحد الاديان ...
اتمسك من امن دوله وطااااااااخ ...

ويقولوله ايه الي انت بتقوله إيه دا ... ازاي موحد الاديان ؟؟؟ ...
دي مصر فيها مسيحين ويهود ومسلمين وطااااااخ ...
فرد عليهم يا باشا .... ماهوه موحد الأديان علشان هوه اللي مكفرنا كلنا

---------------------------------------------------------------------------------------------------------

واحد سأل المغنى سعد الصغير ... إنت ما غنيتش للريس ليه زى الباقيين ....

سعد الصغير قاله : إزاى طبعاً غنيت !!!

قاله : غنيت إيه ؟؟؟

سعد الصغير قاله : غنيت له طبعاً " بحبك يا حمار " ...

-------------------------------------------------------------

بيقولك واحد تانى لقى الفانوس السحرى ودعكه طلعله العفريت
و قالــــــه: شبيك لبيك تطلب أيه ؟
قاله الراجل : أنا عايز كوبرى بين القاهره و أسوان
العفريت قاله : دى صعبه قوى .. نقى حاجه تانيه
الراجل قاله : خلاص خلى حسنى مبارك يسيب الحكم
العفريت قاله : أنت عايز الكوبرى رايح جاى ولا رايح بس

---------------------------------------------------------------------------------------------------------

إخبرنى بصراحة يا نظيف ولا داعى للنفاق أوالمجاملة الريس :
نظيف : أمرك يا ريس
الريس : أنا الأفضل و إلا عبدالناصر ؟
انت طبعا يا ريس ... جمال مين دا، اللى كان بيخاف من الروس : %3

الحدث في جربة صابر الرباعي وهاني شاكر وأمينة فاخت ومارسال خليفة وأميمة الخليل أبرز نجوم مهرجان جربة أوليس

نقول الحدث لأن جزيرة جربة كانت تعاني طويلا من غياب الفضاءات الخاصة بالعروض الكبرى وكانت تضم مجموعة هامة من المهرجانات والتظاهرات الثقافية واليوم أصبحت تتمتع بمسرح أصنفه شخصيا ثالث أروع مسرح في الجمهورية ولكن بإحداث المسرح تراجعت المهرجانات فجربة كانت تضم 4 مهرجنات دولية لم يبق منهم ولا مهرجان تصوروا جزيرة جربة أكبر قبلة سياحية تونسية لا وجود لأي مهرجان وبالتالي في البداية فإن عودة المهرجان في حد ذاته يمثل مكسبا والمفاجأة السارة هي الأسماء الكبرى التي ستأثث المهرجان وخاصة مارسال خليفة وصابر الرباعي إللي قدم سهرة منذ سنتين في جربة ستبقى عالقة في أذهان الجرابة وأذهان صابر كذلك ملاحظة ثالثة تتمثل في سعي هيئة البرنامج إللى الحمد لله تبدلت وإرتحنا من برشا عباد تمعشوا من المهرجانات للإستجابة لكل الأذواق ونتصور إللى وفقت إلى حد كبير

وتنطلق الدورة الجديدة لمهرجان أوليس الدولي لصيف 2009 تحت شعار "الغربة فناني" وذلك من 15 جويلية الى 14 أوت 2009 متضمنة فقرات فنية متنوعة تونسية وأجنبية تراوح بين الغناء والتمثيل حسب ما أعلنه السيد طارق ترجت مدير المهرجان خلال لقاء صحفي يوم الثلاثاء بجزيرة جربة.
وسيكون رواد المهرجان على موعد مع سلسلة عروض مسرحية تونسية تنطلق مع سهرة الافتتاح بعرض "مدام كنزة" لوجيهة الجندوبي في حين تعرض مسرحية "أعطيني فرصة" لنعيمة الجاني ودرصاف مملوك يوم 18 جويلية.
وتقدم فرقة بلدية دوز مسرحية "حس القطا" يوم 20 جويلية قبل عرض مسرحية "سعدون 28" لسفيان الشعري يوم 22 جويلية
وتتواصل العروض التونسية مع سهرات غنائية تؤمنها نخبة من الفنانين التونسيين حيث تحيي الفنانة أمينة فاخت سهرة يوم 9 أوت.
ويجدد الفنان صابر الرباعي موعده مع جمهور المهرجان في سهرة يوم 8 أوت في حين يقدم الفنان الشاب نور شيبة عرض "خلخال" يوم 1 أوت.
أما العروض العربية فتكون مع الثنائي مارسيل خليفة وأميمة خليل يوم 30 جويلية ومع الشاب جيلاني وأسماء سليم يوم 3 أوت. ويؤثث الفنان المصري هاني شاكر سهرة الاختتام.
وتكون العروض العالمية حاضرة من خلال عرض "جربي" لمجموعة "جربة انترناشنول" يوم 24 جويلية وعرض مجموعة "ماجيك سيستام" يوم 28 جويلية . كما أعدت هيئة المهرجان سهرة تنشيطية خاصة بالأطفال مع السرك الروسي يوم 17 جويلية.

رائعة الحبيب الجبالي خالقي مولايا

الأسبوع الفارط نسمع في رائعة الفنان الشعبي الأول للجزيرة الحبيب الجبالي بتوزيع جديد وتغيير في الكلمات بصراحة لم تعجبني النسخة الجديدة وبيناتنا تم تشويه الأغنية وحتى من اللحن تحول من لحن حزين ومؤث إلى لحن راقص بالله تصورا أغنية كيف ما هذه تتغنى في الاعراس ولمن لا يعرف هذه الأغنية فهي كتبت ولحنت وغنت داخل أسوار السجن في ظل الصراع البورقيبي اليوسفي وصاحب الاغنية إتهم بكونه من أنصار اليوسفيين و هذا طالع الاغنية


شيعت عيني إلى خالقى مولايا *** يارب يا معبود فرج دايا

لم أجد تسجيلا لهذ الأغنية بالذات ولكن بمجرد الحصول على تسجيل لها سأقوم بتحميلها

بشرى للمقدمين و المقدمات على الزواج عش الزوجية بمقاييس إماراتية

Tunis Sports City : le bureau de vente commencera à vendre les 899 appartements et 73 villas de la première tranche. Le mettre carré couvert sera proposé à 2.350 dinars dans les tours résidentielles d’«Almasa», à 2.800 dinars dans les résidences de «Chikly» et à 3.500 d le m2 pour les villas luxueuses.

ملاحظة هامة: إللي ياخو زوز فيلات عندو شقة بلاش مرحبا بكم فلا تتأخروا

الأديب التونسي محمد صالح الجابري في ذمة الل

فقدت الساحة الثقافية والفكرية التونسية الأديب الكبير والباحث الدكتور محمد صالح الجابري الذي وافته المنية الامس الجمعة بعد مسيرة زاخرة بالعطاء في المجالين الإبداعي والمعرفي.

و د.محمد صالح الجابري ،ولد في تورز (تونس ) عام 1940.عمل كاتباً عاماً لرابطة القلم الجديد، وفي الإدارة الثقافية في المنظمة العربية للتربية والثقافة والعلوم.عضو جمعية القصة والرواية، وعضو اتحاد الكتاب التونسيين.

مؤلفاته:

1- يوم من أيام زمرا - رواية - تونس 1968.

2- إنه الخريف يا حبيبتي - قصص - تونس 1971.

3- الشعر التونسي المعاصر خلال قرن 1870-1970- تونس 1974.

4- البحر ينشر ألواحه - رواية - تونس - 1975.

5- الشعر التونسي الحديث - دراسة - تونس 1976.

6- دراسات في الأدب التونسي الحديث - تونس 1978.

7- الرخ يجول في الرقعة - قصص- تونس 1978.

8- كيف لا أحب النهار - مسرحية - تونس 1979.

9- ليلة السنوات العشر - رواية - تونس 1983.

10- القصة التونسية، نشأتها وروادها - تونس 1975.

11- النشاط العلمي والفكري للمهاجرين الجزائريين بتونس - ليبيا / تونس

تغمد الله الفقيد بواسع رحمته ورزق أهله وذويه جميل الصبر والسلوان وإن لله وإن إليه راجعون

قناتنا الوطنية في قلب الحدث في ليلة الباكالوريا

إحتفالا بالإعلان عن نتائج الباكالوريا ومواكبة لفرحة العائلات التونسية وإستعدادا للموعد الكروي الهام والمرشح لكأسي إفريقيا والعالم قناة تونس 7 الفضائية تنفرد البارحة بملف ولا فى الأحلام عن النفايات الصلبة والمصبات المراقبة والمجهود الوطنى في مجال المياه المعالجة. بالرجولية الله يرحم والديك يا سي خميس يا خياطي في هاك الكلمة

الجعة التونسية تتحدى الأزمة العالمية وتلوح بإكتساح الأسواق العالمية

رغم تعدد مظاهر الأزمة الإقتصادية العالمية وتأثيرها على الإقتصاد العالمي ككل فإنني أعتبر أن المؤشر الأول للأزمة العالمية في تونس هو مبيعات الجعة والتبغ وبإعتبار عدم توفر المعلومة حول مبيعات التبغ فإن أرقام الشركة التونسية للمشروبات الكحولية ومانعرفش هل أن الترجمة صحيحة وإلا لا والتي عقدت جلستها العامة يوم 5 جوان2009 تشير إلى إرتفاع مبيعات الشركة من مشروب البيرة أو الجعة التونسية وعلامتها التجارية سلتيا ورغم فتح باب المنافسة قد حققت إرتفاعا بنسبة 6.2 بالمائة وبلغة الأرقام تم إستهلاك شدو عندكم 117 مليون لتر.

وفي الجلسة العامة متاع الشركة تمت الإشارة إلى أن الشركة تنوي الإستثمار في السوق الليبية في إنتضار ترخيص السلطات الليبية ببع الكحول في ظل المشاريع السياحية الكبيرة. وكذلك الإيطالية

مخ الهدرة مادام البربر والبخبخ والرجرج لا باس الباقى الكل مقدور عليه ولمن يقول ثمة أزمة مالية عالمية والإقتصاد التونسي تأثر ماذا بيك تراجع المؤشرات متاعك حط في بالك إللي المال قليل ولا خوف من الفقر

manel amara . idha ilmahboul yakoul wiba il3a9il maya3tihalouch

alla gallib mon clavier ma yektibch bil 3arbi. hier soir sur tv7 jabou lilla manel amara bech t9addim disons law7a ginaiya ou mana7kilkoumch 3la mout3at ilfourja ou binetna allah la i5alina fourja. ma 3andi 7atta chay contre cette dame au contraire 7abitt dawrha fi 7ssebet ou 39abett amma birjouiya illi lik lik ouilli 5attik 5attik. ma question é chkoun tab3a hall fannana. cinema masra7 chanson animation presse television . famma chkoun you93ad 3oumrou lkoul yisténa fi fourstou. illi youja3 il9alb akthar anha elle represente la tunisie kima sar fil festival mte3 damas. birjouliya ta3ich arradaa.
un mot concernant chérif alloui. tu a perdu ta credibilité ou birjouliya mass7 rou93tikk é je termine par si lam testa7i if33al ma chietta.

مثال حي على إللي يكذب كذبة ويصدقها أو شكار روحو كان هوني

كان للخبر الذي انفردت «الشروق» بنشره والمتعلق بتلقي مدرب النادي الافريقي عبد الحق بن شيخة عرضا لتدريب الأهلي المصري صداه في صحيفة «الشروق أون لاين» الجزائرية التي كثيرا ما تعتمد على صحيفتنا في تلقف الأخبار لمعرفتها بمدى مصداقيتها وقد جاء في الصحيفة الجزائرية ما يلي «كشفت مصادر إعلامية تونسية أن عبد الحق بن شيخة المدرب الجزائري تلقى عرضا لتدريب نادي الأهلي المصري خلفا للمدرب البرتغالي مانويل جوزيه الذي انتهى عقده مع النادي المصري العريق».

شنوة قولكم في رائعة يجلس الأولاد أمام الحانوت

أمس وفي حدود الساعة الثامنة والنصف ليلا على ذبذبات إذاعة موزاييك والتي رغم بعض التحفظات عندها بعض البرامج المقبولة ومن بينها برنامج ذكريات وإن شاء الله تكون الترجمة صحيحة. البرنامج هذا يجيب مستمعين ويعطيهم أسئلة تتعلق بالبرامج الدراسية متاع السنة التاسعة أساسي مثلا ويشوف شنية الإجابة متاعهم وإلا يقوللهم كيفاش نكتبوا الكلمة هاذي . مخ الهدرة البارح وأنا في السيارة جابوا مستمعة من بنزرت قدمت روحها على أساس أنها مجازة في اللغة والأداب العربية. سألها المنشط سؤال وقاللها حول الجملة الفعلية التالية إلى جملة إسمية وإليكم الجملة :

جلس الأولاد أمام الحانوت

وهنا كانت الطامة الكبرى لم تتمكن الأستاذة من الإجابة ولم تقدم حتى مجرد محاولة وما نكذبش عليكم يا جماعة صدمت وأصبت بخيبة أمل كبرى والأدهى والأمر وأنها تضحك وما علابالهاش جملة. بالله بيناتنا معقول الشيء هاذا. وزادت دخلتها في حيط وقت إللى زادها سؤال ثان للتدارك زعمة زعمة وإليكم السؤال:

صرف فعل أينع في الأمر

وهنا قطعت المجازة في اللغة والأداب العربية المكالمة تجنبا لمزيد الفضائح وحسنا فعلت. القسم على ربي والله يصبر صغارنا شنوة يستنا فيهم. ملاحظة هامة نعرف إللى الأساتذة والمعلمين متاعنا فى نسبة هامة منهم ذوو كفاءة عالية أما موش معقول وموش مقبول أنو أستاذ ما يعرفش يحول جملة فعلة إلى جملة إسمية. شنوة قراوها في الثانوي وفي الجامعة وكيفاش وصلت.

الله لا تفضحنا يا ربي

في خضم الأزمة المالية االعالمية سروال تونسي ب25 ألف دولار

بعد أكبر قصعة كسكسي وأطول مدلك متاع عصيدة وأطول عصبانة هاهو أطول سروال في العالم .
طولو 50 ميترووعرضو 30 ميتروالفتحة متاع السلسلة (البراغات) 8 ميترو يا بو قلب أش يدخل واحد سكانيا وإلا تمساح.
وكلا 1600 ميترمن القماش وتكلف ب 25 ألف دولار. بالله لو كان عملوا بيهم سراول عاديين زعمة قداش يكسوا من عبد. وهوما صرفوا صرفوا عملوه على الأقل سروال عربي يعنى باللية أو سروال عبد الرحمان لمن يعرف عبدالرحمان على الاقل نقيدوها هوية ومحافظة على التراث ويتبناها الديوان الوطني التونسي للسياحة ونوظفوها.

بصراحة كللى شوق للرقم القياسي الموالي وإن شاء الله ما يكونش في بعض الملابس الداخلية أو بعض الحاجيات البشرية وإن شاء الله ربي يبقى علينا الستر

إن لم تستحي فإفعل ما شئت. عاجل إلى كريم شعيب.

تفرجت يوم السبت في سهرية الليلة ليلة مع عفاف الغربي و من سوء حظي التعيس أنو كان سي كريم شعيب ضيف الحصة يا جماعة بدون مبالغة لابس سورية محلولة لصرتو وهاك القازون مزين الارضية والله شيء يعمل العار راهو موش معقول اليوم يحل السورية غدوة يهبط السروال.جهاز التلفزو راهوا جهاز خطير وثمة ظوابط أخلاقية لابد من إحترامها. ياخي هذا النموذج إللي نحبوا نعدوه إلى أولادنا والله عيب. يبقى من ناحية الصوت قيمة ثابتة لكن كل حاجة في بلاصتها.

السيدة نوال غشام وبيناتنا والله ما نعرف الوضعية متاعها بالظبط ليلة السبت في حنبعل ويوم الأحد في تونس 7 في برنامج سيء الذكر سفيان شوما ناقص كان نستدعاها تتعشى بحذايا الليلة

مالا حرفية

نماذج من الحرفية في صحيفة الصباح التونسية

بربي أعملوا طلة على العنوان متاع المقال وعلى محتوى المقال. العنوان فيه سؤال زعمة علاش كمال إيدير مشي لإيطاليا وفجأة ردوا بالكم ونتصور تعرفوا شنوة معناها فجأة . الراجل مدير عام راهو . أنا بيناتنا مشى في بالي الحكاية فيها ملاعبي كبير وإلا صفقة متاع دواء ربي يفرج عليا وعليكم إن شاء الله. ثم بكل بساطة يقولك مشى في مهمة عمل والادهى والأمر أنو يقولك موش
هذا المهم. شنوة قولكم في المهم في إنتظار الاهم

لماذا سافر كمال ايدير فجأة الى ايطاليا.. ؟

.. سافر رئيس النادي الافريقي كمال ايدير فجأة الى ايطاليا لسبب مهني لمدة يومين وينتظر ان يعود هذا المساء الى تونس، وليس هذا هو المهم بل ان ما نريد قوله هو ان هناك اجتماعا هاما للهيئة المديرة قد يلتئم غدا للنظر في عدة ملفات عالقة كالمدرب بعد الاتفاق مع عبد الحق
بن شيخة ولو ان هذا الاخير تلقى عروضا عديدة من كل حدب وصوب وبإغراءات مالية كبيرة




الله يرحمك يا سي الحبيب شيخ روحو وبيناتنا توا عرفت سر تسمية شيخ روحو.

عفوا سيدي مدير المعهد الاعلى للفنون والحرف

أمس وفي حدود الساعة السابعة والنصف مساء وفي طريق العودة للمنزل كنت بصدد الإستماع إلى إذاعة المنستير . وكان البرنامج يتعلق بالتشغيل ودور منظومة التربية والتكوين والتعليم العالي في هذا الإطار وكان الحوار بين منشطة البرنامج والسيد مدير المعهد الاعلى للفنون والحرف وهذا متاكد منو ولكن مانيش مأكد وأنو المعهد متاع المنستير ولو أنو أغلب الظن باش ما نظلمش العباد. المذيعة تسأل سؤال بدا لي وجيه وهو ما الفرق بين المعاهد العليا للفنون والحرف ومراكز التكوين المهني التي تكون في نفس المجال فكانت إجابة السيد المدير مخجلة حيث أشار إلى أن التكوين المهني يقدم تكوينا لفئة معينة من الشباب في مستوى معين ليصبحوا عملة مختصيين في حين التعليم العالى يختص أكثر في مجال الخلق والإبتكاروالتصميم. ماشاء الله على الثقافة والنباهة . ماعادش نلوموا على المواطن العادى إللى ينظر نظرة خايبة ودونية للتكوين المهني . نحب نرد على السيد المدير ونقدم بعض الملاحظات.

• مراكز التكوين المهني تكون في مستويات التقني السامي وهو مستوى يشترط وجوبا الحصول على شهادة الباكالوريا وبالتالي كيفو كيف المعهد الأعلى.
• التكوين المهني يكون بطريقة التداول ومعناها التكوين بين المركز والمؤسسة باش نبعدو على الطابع النظري وتوا توا ولاو في التعليم العالي يحكوا على تفتح الجامعة على محيطها والشراكة مع المؤسسة.

ونختم ونقولوا للسيد المدير إللي جائزة رئيس الجمهورية في مجال الإبتكار في الصناعات التقليدية في اليوم الوطني للباس التقليدى في دورته الاخيرة تحصل عليها المركز القطاعي للتكوين في الإكساء بمنوبة وبالتالي موش معقول إنسان باش يعمل إشهار للمؤسسة والقطاع متاعو يضرب قطاع أخر كان عليه أن يشير إلى التكامل بين مكونات منظومة الموارد البشرية وما ثماش حاجة خير من حاجة وإنما تبقى مسألة إختيارات على خاطر السيد المدير دوروا حساس جدا وتأثيروا كبير على العباد وما يقول كلمة كان ما يكون على بينة على كل حال نقول الجهل مصيبة وربي إن شاء الله يصلح حالنا

إلى معشر المدونين والمدونين رجاء بعض المعلومات حول مستقبل منطقة النخيلات

يا سادة يا مادة يثيتني ويثبتكم على الشهادة كيما تعرفوا إللى الحصول على مسكن يمثل حلم كل شاب تونسي وبالمناسبة ما نعرفش علاش الإحصائيات تقول إللي أكثر من 80 بالمائة من التونسيين مالكين ويظهرلي هذا معدل معناها إللى عندو عشرة مساكن يخرجوا في الإحصائيات 10 مواطنين مالكين. على كل حال حرت وحار دليلي وأنا محسوب حوم تونس الكبرى درتها باش نشري دار حاضرة ويا خويا بصراحة الاسوام ما تتقربش وكمل معرض الشرقسة كمل على ما بيا ثمة باعث عقاري في جهة قرطاج وإلا البحيرة يقدم المتر مربع المغطي ب2000 دينار يا بورب وبالله كل واحد يحسب قداش يفضل في الشهر وقداش يلزموا باش يكسب ميترو مربع اللطف. أما هذا ما ينفيش أنو المعدل بين 900 و1100 دينار بالنسبة للبقية. أنا بصراحة صرفت النظر على إقتناء الحاضر خاصة وأني نحب نشري فيلا على خاطر العائلة تبارك الله وماشاء الله. مخ الهدرة نصحوني جماعة بمنطقة النخيلات وفي وقت قياسي خدمت الريزوات ولقيت حويجة على الطريق الرئيسي بجانب حي الاساتذة لمن يعرف المكان. هو بصراحة من ناحية حركة المرور والسيولة والإنسياب وما شابهها ما ثماش مشكل على خاطر 5 دقائق وتلقى روحك في الطريق السريعة ولكن المشكل وأنو الحي من ناحية البنية التحتية مازال موش مهيأ رغم وجود الماء والتلفون وخدمات التطهير وأكد لى بعض المتساكنين وأنوا المنطقة منطقة مستقبل وستشتعل الاسعار تقريبا بالمناسبة ثمن المتر 100 دينار وكما أشرت فهي تطل على شارع رئيسي وبالتالي يمكن إستغلالها تجاريا مع العلم وأن مساحة قطعة الأرض في حدود 320 متر مربع وهي غير بعيدة عن المركب الرياضى متاع برج الوزير والمعطيات تقول أنه سيم ربط هذا الطريق الذي ينطلق من طريق رواد على مستوى أخر ضوء تقاطع قبل مركب الغزالة ويشق كامل منطقة النخيلات بطريق سكرة نعرف إللى االمشاريع هاذي تنجم تاخوا بالقليل 3 سنوات لكن حبيت نسألكم معشر المدونين والمدونات هل تعتقدون وأن النخيلات منطقة إستثمار في المستقبل القريب وبالتالي الواحد يتوكل يشري مخ الهدرة بجميع المعطيات إللى قدمتها لوكان جيت في بلاصتي تشري وإلا لا مع الملاحظة وأنوا ما عنديش مشكلة في البني بإعتبار عندى شكون ينجم ياقف للمرمة ومتفرغ. هذه جميع المعطيات ونهديلكم في الختام أغنية سيد أحمد حمزة كانك صاحبي دبر عليا

بلاغ الترجي في خصوص قضية الباغولى هو بيدو يدخل للحبس

بقدر ما نتفهم رغبة شيخ الأندية التونسية في الدفاع عن مصالحه

وفقا للطريقة التي يرتئيها

بقدر ما نعبر عن دهشتنا واستغرابنا لما جاء بالبلاغ الصادر عن هيئته والذي لئن أرضى المحب الغيور على ناديه فإنه كان مستفزا أشد الإستفزاز لرجل القانون الذي لا تهمه الألوان الذي كتب به البلاغ بقدر ما يهمه احترام عقل المتلقي

وبمطالعتنا لما ورد به خرجنا بانطباع مبني على أحد الإحتمالين:

إما أن كاتب البلاغ لا علاقة له لا من قريب ولا من بعيد بعالم القوانين وتفرعاتها وتشعباتها

وهذا مستغرب جدا لما نعلمه من وجود كوادر قانونية على درجة كبيرة من سعة المعرفة والتمكن بناصية القانون

أو أن كاتبه كان على عجل بطريقة أوقعته في المحظور

ليخرج على الناس ببلاغ هو خليط من الأخطاء القانونية البدائية وكم مهول من المغالطات والتزييف

وسأبين لماذا

تعبر الهيئة المديرة لجمعية الترجي الرياضي التونسي عن شديد أسفها و إستيائها مما نشر على أعمدة الصحافة التونسية الصادرة يوم الإربعاء 29 أفريل 2009 حول تورط اللاعب حمزة الباغولي في تناول المخدرات و صدور حكم عن الدائرة الجناحية للمحكمة الإبتدائية ببنزرت بتاريخ 28 أفريل 2009 بسجنه مدة عام واحد مع النفاذ و تخطئته بمبلغ ألف دينارا و الحال أن هذا الحكم هو إبتدائي الدرجة و قابل للطعن بالإستئناف و بالتالي فإن القضاء الجزائي التونسي لم يقل كلمته الأخيرة و النهائية في خصوص الأفعال المنسوبة للاعب حمزة الباغولي الذي يبقى قانونا بريئا

أصحح المعلومة بالقول بأن من صدر في شأنه حكما قاضيا بتجريمه "أي إدانته"

انتزعت منه قرينة البراءة التي وإلى وقت قريب وقبل النطق بالحكم ضمن جلسة علنية كان متمتعا بها

فلا يقبل لا عقلا ولا قانونا "وبغض النظر عن الأسماء" القول بأن شخصا ما هو بريئ والمحكمة تقول أنه مذنب

طالما لم تثبت إدانته بمقتضى حكم نهائي و بات

هذا على حد علمي المتواضع يشكل هذا القول منحى قانوني جديد عندما يسهب كاتب البلاغ بأن الإدانة لا تثبت إلا بعد استنفاذ كافة طرق الطعن العادية وطالما أن ذلك لم يتحقق فالمذنب يبقى "بريئا"

فإن كان الأمر كذلك فإني أطرح عليه تساؤلا عبثيا لماذا لا يُطلق سراح المحكوم عليه بمجرد صدور الحكم الإبتدائي حتى وإن كان قا ضيا بالإدانة؟

بل ولماذا يسجن الناس من أصله مادامت قرينة البراءة تبقى قائمة الذات في حقهم إلى ما لا نهاية ؟

الإدانة سيدي كاتب البلاغ تثبت بمجرد صدور حكم علني يُتلى بجلسة عامة وصادر وفقا لما ينص عليه الدستور التونسي باسم الشعب بمعزل عما ستؤول إليه الأمور فيما بعد

فإن وقع استئناف ذاك الحكم وتم نقضه

قلنا أن محكمة الدرجة الثانية قد عدلت عن مبدأ ال إدانة لتقر مبدأ البراءة

أي أنه وبعد أن كان غير بريئ صار بريئا

ناهيكم و أن التهمة الخطيرة المنسوبة إليه غير ثابتة في جانبه

مرة أخرى يجانب كاتب البلاغ الصواب

فمثل هذا الكلام لا يقال إلا أمام محكمة أرفع درجة عندما نكون نستهدف من ورائه إقناع وجدانها بأن المحكمة الأدنى درجة منها لم يكن حكمها في اتجاهه وقد جانبت الصواب

ولا يجوز بأي حال التوجه به علنا وعبر أعمدة الصحف إلى العموم

لأنه لو أدرك كاتب ذلك الكلام فداحة ما أقدم عليه لما خط حرفا واحدا

فالقانون التونسي ودون الدخول في التفاصيل يجرم بشدة نقد الأحكام القضائية والتشهير بها علنا أو القدح فيها

فالمجال الوحيد لفعل ذلك هي قاعات الجلسات وأمام هيئات القضاء المنتصبة للفصل في النزاعات

ومن قبل الأطراف التي أوكل لها القانون مهمة الدفاع والترافع

فكاتب المقال ورغم صدور حكم علني قاض بالإدانة يشكك في ذلك بالقول

"التهمة غير ثابتة"

بل ويذهب بنا إلى أبعد من ذلك عندما يقدم لنا دليلا دامغا لا يقبل الدحض على أن المحكمة أن قد أخطأت وذلك بقوله

و قد تمسك اللاعب خلال التحقيق و أمام المحكمة ببراءته التامة مما نسب إليه

يعني دليل البراءة هنا كان إنكار المتهم

طبعا هذا تعليل ضعيف جدا من الوجهة القانونية

ولا يقال عادة مثل هذا الكلام إلا متى انتفى الدليل المادي القوي على الإدانة والذي من المفارقات العجيبة يقر به صاحب البلاغ م ناقضا نفسه بالقول

سيما و أن التهمة قد وجهت عليه بناء على مكتوب صادر عن الوكالة الوطنية لمكافحة المنشطات

إذا هو يقر بوجود سند للإدانة وهذا جيد إلا أنه يرميه بالضعف وذلك بقوله

و دون الإستناد إلى إختبار فني مأذون به من أعوان الضابطة العدلية كيفما ما إقتضته أحكام القانون عدد 52 لسنة 1992 المؤرخ في 18 ماي 1992 التي أوكلت لأعوان الضابطة العدلية دون سواهم السلطة للمعاينة و التحقيق و البحث في جرائم المخدرات و ذلك ضمانا للمصلحة الشرعية للمتهم التي يكرسها الدستور التونسي

طبعا في مثل هذا الكلام مغالطات كثيرة وكبيرة وتجن كبير على نصوص القانون

ولنبدأ أولا بتوجيه تحد لصاحب البلاغ أن يأتينا بالنص الذي يوجب الإستناد إلى إختبار فني مأذون به من أعوان الضابطة العدلية كما زعم من خلال بلاغه

فهل بلغت الجرأة ببعض من يدعون الحفاظ والدفاع عن مصالح جمعياتهم إلى حد التزوير العلني والتدثر زورا برداء القانون؟

أين وُجد هذا الحكم هداك الله وهل أن نص القانون الذي استخرجت منه حكمك هو ذاته نص القانون الذي بين أيدينا؟

ربما التبست الأمور "حتى لا أقول شيئا آخر" على كاتب المقال عندما اطلع على ما جاء بمنطوق الفصل 22 من القانون المذكور

وللإفادة ها نحن نورده كاملا حتى لا يقال بأننا نتجنى على الرجل والذي ورد ضمن الباب الخامس تحت عنوان : السلطة المكلفة بمعاينة جرائم المخدرات

الفصل 22 : أعوان الضابطة العدلية المشار إليهم بالفصل 10 من مجلة الإجراءات الجزائية والاعوان المخول لهم قانونا بحث ومعاينة جرائم المخدرات مؤهلون كل في نطاق اختصاصه بالسهر على تطبيق هذا القانون وذلك بالتنسيق مع الجهات المختصة لمكافحة المخدرات.

ودون الدخول في التفاصيل التي تتطلب منا تحبير عشرات الصفحات سأكتفي بالقول بأن كاتب البلاغ يخلط ما بين ما يسمى إثارة الدعوى العمومية وما بين ممارسة الدعوى العمومية

فالقانون للعلم خص جهة واحدة دون سواها بممارسة الدعوى ألا وهي النيابة العمومية الممثلة بوكلاء الجمهورية على مستوى المحاكم الإبتدائية والمدعون العموميون على مستوى محاكم الإستئناف

والنيابة العمومية وفقا لنصوص القانون العامة لها الصلاحيات المطلقة للتعهد "حتى ولو شاهد وكيل الجمهورية وهو مار في طريقه إلى منزله شخصا بصدد تناول الزطلة فبإمكانه أن يأذن بإيقاف الفاعل فورا "

فلا يقال والحالة تلك أنه يتعين أن يتم ذلك عن طريق الشرطة أو الحرس

لأن هؤلاء المأمورون العموميون يأتمرون بأوامر النيابة العامة

ثم ألا يعتبر صاحب البلاغ الوكالة الوطنية لمكافحة المنشطات ضمن الجهات التي خصها المشرع بقوله صلب ذات الفصل

" الجهات المختصة لمكافحة المخدرات "

هل أصبح تعهد وكيل الجمهورية بالقضايا يحتم المرور إجباريا عبر بوابة مراكز الشرطة والحرس؟

من يقول ذلك يثبت أنه لا علاقة له بعالم القانون

وهذا ما كان من دواعي استغرابي الشديد لأني أعلم حق العلم أن للترجي رجال قانون لا يشق لهم غبار

فمن سمح لهذا الشخص أن يتحدث باسم شيخ الأندية ليصبح ما كتبه موضع تندر وتهكم من أهل الإختصاص؟

أرجو أن لا يغضب مني أصدقائي أحباء الترجي

ذاك الفريق الذي لا نكن له إلا كل الإحترام والتقدير

وكلامنا في هذا الموضع كان لمجرد النقد القانوني الصرف

ولا علاقة له باستهداف أيا كان


هذا المقال عن الأخ أبو الشوق عن منتدى كورة تونسية وهو رجل قانون وله تدخلات ممتازة من الناحية القانونية تمكن من إثراء المعرفة القانونية للقراء هذا علاش حبيت ننشروا تعميما للفائدة